Туулган күн көпчүлүк адамдар үчүн "Жеке майрам" катары кабыл алынат. Бирок биздин учурда бул күн жогорку интеллектти, терең ички маданиятты жана адамдык эрдикти өзүнө камтыган адам жөнүндө ойго алуучу күн. Бардык башка көрсөткүчтөр менен катар, Сиз республикадагы сейсмология тармагында ДҮЙНӨЛҮК масштабдагы ЖАЛГЫЗ окумуштуусуз!
Жалган жөнөкөйлүксүз эле айта алам, сиз ушундай турбуленттүү заманда Кыргыз Улуттук илимдер академиясы сыяктуу мамлекеттик мекемени толук тең салмактуулукта кармап турасыз! Биз айрым күчтөрдүн КР УИАны кантип талкалап, республиканын жогорку окуу жайларына бөлүштүрүп, андан соң бардык лабораториялык корпустарды, эксперименталдык аймактарды бөлүп-бөлүп, жабдууларды сатып жиберүүгө умтулушканын жакшы билебиз.
Ошол эле учурда, Садыр Нургожоевичтин олуттуу колдоосуна карабастан, кыйратуучу күчтөр Академияны жаманатты кылып, жок кылуу аракеттерин токтоткон эмес эле.
Ошондой капсалаңдуу жагдайда Сиз республиканын ФУНДАМЕНТАЛДЫК ИЛИМИНИН эпицентринин кызыкчылыктарын коргоп, бул илимий мекемени сактап калуу үчүн командаңыз менен туруктуу күрөштүңүз. Бул – анык жарандын жана илимдин патриотунун эр жүрөк позициясы болгон.
Учурда КР УИАнын душмандарынын жалыны акырындык менен өчүүдө. Фундаменталдык илимдин уюштуруу борбору сакталып калды. Академиянын илимий институттарын ырааттуу турукташтыруу жүрүп жатат.
Тарыхты инсандар жаратат. Ал эми Сиз мыкты инсансыз, Канатбек Эрмекович! Сизге ден соолук жана жемиштүү узак өмүр каалайм!
Карыбек Байбосунов, философ, публицист