Кечээ, 30-июнда Улуттук илимдер академиясында “Жерди алыстан изилдөө (зонддоо) жана аэрокосмостук кызматташуу жаатында бирге кызматташуу мүмкүнчүлүктөрүн изилдөө” темасында тегерек стол болуп өттү.
Уюштуруучулар КР Президентинин алдындагы Улуттук стратегиялык демилгелер институту жана КР Президентинин алдындагы Улуттук илимдер академиясы болду. Тегерек стол онлайн форматта, zoom платформасы аркылуу өттү. Модераторлор Улуттук стратегиялык демилгелер институтунун экономикалык маселелер боюнча бөлүмунүн башчысы Вячеслав Пак жана академик Кубанычбек Жумалиевдер болушту.
Сүйлөгөндөр КР Президентинин алдындагы Улуттук стратегиялык демилгелер институтунун тышкы эксперти Султан Омуров, Казакстан стратегиялык изилдөө институтунун Азияны изилдөө бөлүмүнүн башчысы Айдар Курмашев, TUBITAK космостук технологиялар илимий-изилдөө институтунун алыстан зонддоо тобунун башчысы Каан Калкан, “Азеркосмос” башчысынын кеңешчиси Йолчу Гасанов, Улуттук илимдер академиясынын академики, техника илимдеринин доктору Кубанычбек Жумалиев, “Азеркосмостун” эл аралык мамилелер боюнча башчысынын кеңешчиси Вугар Байрамов, Азербайжан Республикасынын эл аралык мамилелерди анализдөө борборунун бөлүм башчысы Джавид Велиев, Өзбекстан Республикасынын Санарип технологиялар министрлигинин алдындагы космостук изилдөөлөр жана технологиялар агенттигинен Исмоил Расулов жана Фарход Махмудходжаев, “Казакстан Гарыш Сапары” АК башкы директору Аманат Умбетбаев, КР жер ресурстары боюнча мамлекеттик агенттиктин алдындагы геодезия жана картография боюнча “Госкартография” мамлекеттик мекемесинин директору Нарынбек Исабековдор болушту.