Кыргызстанда 6-октябрга караган түнү жер титирөө катталды. Бул тууралуу Улуттук илимдер академиясынын Сейсмология институту билдирди.
Жер титирөөнүн күчү 5,5 балл, ал эми эпицентрде — 6 балл болгон.
Силкинүү 02:28де сезилип, очогу Талас Ала-Тоосунда, Чакмак-Суу айылынан түндүк-батышты карай 23 км, Башкы-Терек айылынан түндүктү карай 25 км, Талас шаарынан түштүк-батышты карай 85 км аралыкта жайгашкан.
Талас аймактарында жер титирөөнүн күчү төмөнкүдөй болду:
• Чакмак-Суу айылында — 5,5 балл
• Башкы-Терек айылында — 5 балл
• Кара-Сай, Көк-Сай, Шекер, Кайнар, Чоң-Кара-Буура, Бакай-Ата айылдарында — 4,5 балл
• Талас шаарында — 4 балл