Тандырдан жаңы эле үзүлүп түшкөндөй ысык, сыясы кургай элек, элдин колуна тие элек “Президент Садыр Жапаров – жаңы Кыргызстандын жаратманы” аттуу китеп колума тийди. Аны мамлекеттик жана коомдук ишмер, политология илимдеринин доктору, профессор, УИАнын ардактуу академиги Жумагул Сааданбеков жазган. Автордун айтуусунда бул сейрек жолуга турган эмгек. Сейректиги ушунда – анда өзүн өзү жаратып, айылдык кооператордон ири бизнесменге, белгисиз оппозициячыл саясатчыдан Кыргыз Республикасынын Президентине чейинки жолду басып өткөн адамдын саясий бейнеси баяндалат.
Китепте Садыр Жапаровдун балалыгы, өспүрүм кези, мамлекеттик башкаруунун оптималдуу жолу, конституциялык реформасы, административдик-аймактык жана кадр реформалары, антикоррупциялык саясаты, экономиканы модернизациялоо стратегиясы, элитаны калыптандыруу процесстери, улуттук-диний фактор жана көптөгөн саясий ишмердүүлүгүндөгү, өлкөнү башкаруудагы багыттары, аракети жазылган.
Китептин бет ачары КР Президентине караштуу Улуттук илимдер академиясынын чоң залында 5-декабрда 5-күнү саат 10.00до башталат.
Кызыккан окурмандардын баарын чакырабыз