Академик А. А. Кутановдун жетекчилиги астында аморфтук кремнийге түз жазуу ыкмасы менен интерференциялык литография системасы иштелип чыккан.
Академик М. М. Кидибаевдин жетекчилиги астында щелочтуу металлдардын фториддеринин негизинде жаңы материалдар синтезделди (ойлоп табууга 12 патент алынды).
Мүчө-корреспондент Н. Ж. Жээнбаевдин жетекчилиги астында, 1 тонна топурактан 1 грамм алтынды аныктай алган жогорку чечилишүү жөндөмдүүлүккө ээ химиялык элементтердин спектроскопиясынын методикасы иштелип чыккан.
Профессор Н. К. Касмамытовдун жетекчилиги астында талап кылынган касиеттери бар жаңы керамикалык материалдар жана аларды Кыргыз Республикасынын кен чыккан жерлеринин жергиликтүү чийки заттарынын негизинде алуу технологиялары түзүлдү.
Профессор Н. К. Жаманкызовдун жетекчилиги алдында Кыргызстандын дарыяларында чакан ГЭСтерде энергия үнөмдөөчү орнотмолор иштелип чыгууда жана ишке киргизилүүдө.
Профессор А. А. Абдыкалыковдун жетекчилиги астында базальто-таш куюунун жана анын негизиндеги буюмдардын технологиясы жана жабдуулары иштелип чыгууда.
Физика-математика илимдеринин кандидаты К. Хайдаровдун жетекчилиги астында курал-жарак жасоодо колдонулуучу алмаз кошулган эффективдүү композициялык материалдар түзүлдү жана колдонууга киргизилди.
Физика-математика илимдеринин кандидаты К. Ч. Ашимкановдун жетекчилиги астында катуу тоолуу аймактарда тропосферанын радио нурдануу жана сиңирүү процесстерин моделдөө иштери жүргүзүлүүдө.
Профессор В. Н. Фоломеев жетектеген изилдөөлөрдө заманбап астрономиялык байкоо жана эксперименталдык натыйжаларды колдонуу менен заманбап жана алгачкы ааламдын ар кандай космологиялык жана астрофизикалык моделдерин изилдөө жүрүп жатат.
Биринчи жолу жалпы аныктамалар киргизилген жана жаңы эффекттерди, кубулуштарды издөө методикасы иштелип чыккан, жылуулук өткөрүмдүүлүк теңдемеси жана аналитикалык функциялары бар биринчи түрдөгү интегралдык теңдемелер үчүн акыркы маселенин тууралыгынын кубулуштары табылган.
Динамикалык системаларды изилдөөнү натыйжалуу жүргүзүү үчүн чечимдерди өзгөртүү ыкмасы иштелип чыккан.
Лаврентьев ыкмасы боюнча жөнгө салуучу операторлор курулуп, Вольтеррдин огунда биринчи түрдөгү сызыктуу интегралдык теңдемелер системасынын чечимдеринин бирдейлигинин жетиштүү шарттары белгиленген.
Теориялык изилдөөлөрдүн натыйжасында экономикалык маселелерди жаңы математикалык моделдерин жана конкреттүү маселелер боюнча алардын сынамыгы иштелип чыккан.
Математика, информатика жана филологиянын кесилишинде жаңы багыт иштелип чыгып, ортомчу тилдерсиз табигый тилдерди моделдөө жана алардын интерактивдүү компьютердик көрсөтүлүшү түзүлдү.
Кыргызстандын билим берүү мекемелеринде колдонууга берилген кыргыз тили боюнча комплекстүү экзамен жана бирдиктүү сөз түзүү алгоритминин негизинде түзүлгөн кыргыз тилинин грамматикасы боюнча өз алдынча үйрөнүүчү-экзамен ишке ашырылды. Көзү азиз адамдар үчүн түстөрдү көрсөтүү боюнча математикалык моделдер иштелип чыкты.
Региондун чарбаларын өнүктүрүүнүн оптималдуу вариантын аныктоонун математикалык модели иштелип чыкты.