Э.Гареев атындагы Ботаникалык бакта көмүртектүү нейтралдуу токойду түзүү долбоору ийгиликтүү ишке ашырылды.
Долбоордун максаты - Корея Тынчтык багынын инфраструктурасын жакшыртуу, көмүртектүү нейтралдуу токойду түзүүгө негиз салуу жана көмүртектүү нейтралдуулук саясатын иштеп чыгуу, өнүктүрүү болуп саналат. Долбоор Ботаникалык бактын төмөнкү даректеринде ишке ашырылды: И. Ахунбаев көч.,1а, М.Горький көч., 212а жана М.Горький көч., 135.
Долбоордун алкагында төмөнкү этаптар аткарылды:
* Корея Тынчтык багынын инфраструктурасын жакшыртуу;
* Көчөттөрдү өстүрүү үчүн питомник жана күнөсканаларды түзүү;
* Көмүртектүү нейтралдуу токойду түзүү үчүн көчөттөрдү отургузуу;
* Көмүртектүү нейтралдуулук жаатында адистерди даярдоо боюнча билим берүү программаларын ишке ашыруу.
24-октябрь күнү 1000ден ашык ар түрдүү көчөттөрдү отургузуу аяктады, анын ичинде көк карагай, туя мамычасы, каштан, терек, катальпа бар.