Кытайдын “Хуадунь” корпорациясынын башкы директору жана директорлор кеңешинин төрагасы Ло Ин, бул корпорациянын Орто Азия боюнча башкы директору Чжен Чжун, корпорациянын технология компаниясынын башкы директору Лю Цзинтао жана корпорациянын башка жооптуу кызматкерлери Улуттук Илимдер академиясынын президенти Канатбек Абдрахматов менен жолугушуп, жаңы энергетикага, коопсуздук маселелерине инвестиция салуу ниети бар экендиктерин билдирүү максатында таанышуу үчүн келишкен.
“Щит Китая” консалтинг компаниясы Кытайда биринчи жолу 2009-жылы жеке менчик компания катары ачылган. Компания коопсуздук жаатында бизнес-долбоорлор үчүн тобокелдиктерди баалоо, ачык маалыматтарды жыйноо жана анализдөө багытында иштейт. Штаб-квартирасы Бээжинде, филиалдары Таиланд, Америка, Пакистанда жайгашкан. Анда 2000ден ашык киши иштейт. Компанияда өндүрүш базасы, илимий-изилдөө борбору, окутуу корпустары жана ири кинологиялык борбору иштейт.