Беларусь Республикасынын борбору Минск шаарында 2025-жылдын 18–22-август күндөрү совет элдеринин Улуу Ата Мекендик согуштагы жеңишинин 80 жылдыгына арналган КМШ өлкөлөрүнүн жаш тарыхчылары үчүн тематикалык жайкы мектеп өтүүдө.
Бул иш-чарага Кыргыз Республикасынын Президентинин алдындагы Улуттук илимдер академиясынын Б. Жамгырчинов атындагы Тарых, археология жана этнология институтунун, И. Арабаев атындагы Кыргыз мамлекеттик университетинин илимпоздору жана жаш тарыхчылары катышууда.
Илимий-практикалык конференцияда Кыргызстандан атайын барган тарых илимдеринин доктору, корреспондент-мүчө Ч.Койчуманова жана тарых илимдеринин кандидаты А.Кубатова жаш тарыхчылар үчүн лекция окушат.