Бүгүн КР Президентине караштуу Улуттук илимдер академиясына Синьцзян айыл чарба илимдер академиясынын эксперттер тобу келди. Кытай делегациясынын курамында Синьцзян айыл чарба илимдер академиясынын ресурстар жана айлана чөйрө институтунун директору Фэн Яоцзу, Синьцзян айыл чарба илимдер академиясынын Үрүмчү комплекстүү эксперименталдык станциясынын директору Гэн Цинлун жана башкы илимий катчынын орун басарлары, инженерлери келишкен.
Тегерек столго Улуттук илимдер академиясынын академиктери, химия, биология, биотехнология институттарынын директорлору, илимий кызматкерлер катышып, айыл чарбадагы иштер жөнүндө баарлашты. Кытай илимпоздору СУАР провинциясында жүргүзүлүп жаткан айыл чарба иштерин слайд кылып көрсөтүп, түшүндүрүп беришти. Алар келишимдерди түзүп, биргелешип иштөө сунуштарын беришти.