Кымбаттуу биздин жан-дили кереметке толгон айжаркын айымдар!
Сиздерди 8-Март майрамыңыздар менен чын жүрөктөн куттуктайм!
Мээрим менен мээнеткеч жан дүйнөңөр бизди дайыма эмгекке шыктандырат!
Сиздердин наздуу жүзүңүздөр менен кошо биз көтөрө алгыс иштерди бүтүрүп жаткан назик колуңуздар - эркектер үчүн жашоону жөн гана жеңилдетип койбостон, өмүрүбүздү көрккө келтирет!
Аялдын назик колу ааламды терметет. Аял турган жер бейиш.
Кыйынчылыктарды сабырдуулук менен көтөрүп, бизге канчалык жеңилдик келтирип жатасыздар! Сиздердин табият берген сулуулук, назиктик - биздин жашообуздун кайрат-күч берген тиреги!
Жаз менен кошо жаркырап кирип келген Аялдар майрамында сиздерге чексиз бакыт, көптөгөн жакшылыктарды каалайбыз, асылкеч айымдар!