19-июнда Алматы шаарында Кыргыз Республикасынын Президентине караштуу Улуттук илимдер академиясынын президенти Бекмамат Дженбаев жана Казакстан Республикасынын Президентинин алдындагы «Казакстан Республикасынын Улуттук илимдер академиясы» коммерциялык эмес акционердик коомунун президенти Ахылбек Куришбаев эл аралык консорциум түзүү жөнүндө Макулдашууга кол коюшту. Макулдашууга ылайык тараптар Борбордук Евразия элдеринин тарыхый жалпылыгын эске алып, илимий кызматташтыкты чыңдоого аракеттенүү, тарых, археология, маданият, этнология, түркология жана жана талаа цивилизация мурасы боюнча фундаменталдык жана прикладдык изилдөөлөрдү биргеликте жүргүзүү максатын көздөйт.
Андан соң тараптар Талаа цивилизациясын изилдөө боюнча эл аралык консорциумду түзүү боюнча келишимге кол коюшту.